Parlamentario Miguel Mansur, lider di fraccion ACCION21 a dirigi un carta na secretaria di estado sra. Alexandra van Huffelen, subrayando e urgencia pa adresa e asunto di matrimonio di mesun sexo na Aruba, Corsou y Sint Maarten. “A yega tempo pa Reino Hulandes cumpli cu su obligacionnan y sigura e realisacion di derechonan humano fundamental y libertad pa tur ciudadano, sin importa su orientacion sexual,” sr. Mansur ta expresa. E carta ta respondiendo na contestanan di van Huffelen na Senador Dittrich, den cuadro cu e discrepancia entre e leynan actual di matrimonio y oblicacionnan fundamental pa loke ta derechonan humano. Esaki ta wordo subraya den Articulo 43 di Statuut voor het Koninkrijk der Nederlanden. Lesa mas…
Mansur: Van Huffelen mester cumpli cu obligacion di derechonan humano igualitario
July 5, 2023