Conoce
Miguel Mansur

Ban Biba Miho

Miguel Mansur

https://accion21.com/wp-content/uploads/MIGUEL-PFP-480x640.png

Conoce Miguel
un poco mas!

“Tata di dos yiu. Economista. Politico.
Miguel a nace na Aruba y ta un tata orguyoso di dos yiu, Mateo y Miranda. E la gradua di Tufts University cu un diploma den International Relations y Economics. E la traha den sector priva den e area di economia, finansas y inversion, prome cu e la drenta politica na aña 2020 ora cu e la funda partido ACCION21.

Durante e pandemia di covid-19 e problemanan structural di e isla a bin na cla manera e nivel di debe extremo, un sector publico costoso y por ultimo nivelnan di probesa inaceptabel. Na edad di 14 aña Miguel a bai studia na e prestigioso Institut Le Rosey, unda e la gradua “top of his class” na aña 1995. Tambe e tabata tin e privilegio di biba na hopi pais Europeo, Merca, Australia y Costa Rica. E experiencia global cu Miguel tin ta trece un perspectiva nobo pa politica Arubano, uno cu ta pone enfasis riba adopta ehempelnan internacional pa trece progreso y un miho manera di biba pa nos isla Aruba.

Miguel ta kere y para tras di e ideologia liberal progresivo di ACCION21 y como miembro di Parlamento e la sostone e principionan di e partido cu integridad. A pesar cu e ta nobo den Parlamento, Miguel a introduci mas ley cu cualkier otro fraccion, a haci mas pregunta na ministernan y colabora riba hopi amendia y mocion. Miguel y ACCION21 a demostra nan efectividad den Parlamento y ta cla pa sigui traha duro pa e benificio di e pueblo Arubano.
Miguel ta keda dedica na bringa pa e derechonan di igualdad pa tur hende y a introduci e ley di casamento pa parehanan di mesun sexo y a testigua e derecho bira realidad dia 12 di juli 2024. E metanan di Miguel pa e proximo gobierno ta inclui elimina pobresa, atende cu e crisis ecologico, revitalisa San Nicolas y reforma fiscal incluyendo rediseña nos sistema di impuesto y con gobierno ta financia su mes.

Na aña 2021 Miguel a ricibi 2019 voto cu a resulta den e di cinco luga como “vote-getter”. Miguel ta spera di mira tanto su persona como ACCION21 crece den voto a base di e dedicacion di nos partido na progreso di Aruba y logronan historico.
Hunto nos por biba miho y sigura cu tur ciudadano por alcansa nan potencial maximo.

Ban Biba Miho!Haya sa mas di nos
Plan di Accion 2025-2029!

Plan di Partido Completo

Parlamento di Aruba

Ministerio di Asunto General

Ministerio di Finansas

Ministerio di Husticia

Ministerio di Bienestar Humano

Ministerio di Economia, Infrastructura y Medio Ambiente

Sigi nos riba Social MediaBo ta interesa di sa mas?

Contact

297 699 4095

contact@accion21.com

L.G. Smith Boulevard 120

Obhetivo

Con bo por yuda

Bira miembro!

Por fabor yena e formulario aki y nos lo tuma contacto cubo cu mas informacion.

Danki pa tuma Accion!

Manda nos bo comprobante di donacion.

Kico nos lo haci?

Poniendo agendanan politico previo na un banda, nos lo re-establece un bon relacion den reino pa salvaguardia y alavez ta na vanguardia di Aruba su autonomia, cumpliendo nos parti pa asina exigi cumplimento di e tratado sagrado aki. Esaki ta inicio di recuperacion di e desaster cu partidismo y corupcion di e ultimo añanan a laga atras. Mundo a cambia desde cu nos a gana nos status aparte y nos tin cu demostra cu nos tin e capacidad di por lidera nos propio destino a base di accionnan transparente y honesto. Accion sano lo vence tur menasa.

Nos lo inverti den reforma di nos sistema social, educacional, hudicial, fiscal, financiero y economico cu ainda ta pertenece den siglo 20. Nos hendenan merece di biba den un sociedad na unda deber y derechonan ta wordo honra den e tempo cu nos ta bibando aden, den siglo 21. Solamente atravez di modernisacion di nos leynan un gobierno por duna atencion y atende tur Aruba su problemanan social, financiero y economico. Esaki ta rekeri curashi, esaki ta rekeri accion.

Cu un sistema legal solido, nos por establece mas cu gobernacion, sino un maneho independiente, husto, igual y transparente pa tur ciudadano. Sin importa ken bo ta, bo merece un miho servicio gubernamental den forma honesto sin intimidacion of patronismo. Esaki ta e unico forma cu nos por proteha libertadnan constitucional di cada ciudadano, como tambe esnan mas vulnerabel den comunidad. Bo deber y derechonan ta bai wordo honra segun ley, no aprobacion politico, esey ta accion berdadero.

Ken nos ta?

Nos ta kere den un aparato gubernamental; eficiente, transparente y honesto. ACCION21 ta kere den un mehoracion di relacion dentro di Reino, y alabes kier mira mas cooperacion cu Hulanda. Nos lo tuma accion pa revitalisa nos economia, sanea nos finansas, ataca e crisis social, reforma nos sistema gubernamental, amplia nos sistema di enseñansa, introduci cuido preventivo den salubridad publico y enfoca ariba sostenibilidad pa salvaguardia nos medio ambiente. Finalmente, Accion21 ta un partido pa pueblo. Tur gobierno t’ey pa ehecuta boso deseo y ambicionnan, p’esey nos kier tende di bo.

Nos ta kere den recupera nos progreso por medio di desaroyo economico sostenibel, husto y transparente. Desaroyonan economico mester bay man den man cu nos sociedad, nos hendenan y nan potencial absoluto, no agenda politico.

Nos ta para pa elimina e ‘red tape,’ faboritismo y populismo. Nos lo inicia e sanacion di nos situacion financiero y activa progreso di nos pais. E progreso y libertad cu pa generacionnan nos pueblo a anhela. Integridad ta mas cu un palabra, e ta un accion cu mester ta visibel pa tur ciudadano a base di hecho y ehempel.

Pa ken nos t’ey?

Pa e pueblo di Aruba cu kier recupera balor y credibilidad den nos sistema gubernamental. Nos kier recobra e esencia di nos autonomia cu tanto nos a bringa p’e, Igualdad. Creando miho relacionan y confiansa den Reino, nos por cumpli cu e libertadnan cu nos sagrado constitucion ta priminti na nos pueblo.

Pa nos grandinan cu ta forma un grupo grandi di nos comunidad cu ta enfrentando retonan economico y social cu nunca nos a yega di experencia. Nos grandinan merece un bon calidad di bida y cuido en general.

Pa nos pueblo trahado, cu for di prome a wordo asota pa e pandemia, ya caba tabata wordo limita den progreso profesional y personal debi na un sistema burocrático, anticua y nepostista. Manera nos a anhela pa libertad di nos pais, nos trahadonan merece e libertad di por desaroya y biba segun su potencial maximo pa asina yuda saca nos pais di e crisis financiero actual.

Nos hoben y adultonan cu ta buscando un speransa pa nan futuro. For di esnan cu estudio cu no por haya oportunidad laboral, y tambe e grupo grandi di hobennan cu no tin opcion inclusivo di desaroyo profesional of progreso alguno. Cada hoben riba e isla aki tin potencial, nos mester un sistema di educacion y apoyo pa yuda desaroya e talentonan aki y asina brinda bienestar sostenibel. No ta paso bo a cay na caminda kiermen cu nos ta perde speransa riba bo. Bo merece mas oportunidad. Esey ta libertad berdadero.

Bira Accionista Boluntario!

Selecta tur opcion cu bo ta interesa aden y nos lo dunabo tur e detayenan necesario.

Combersa cu nos!

Manda nos bo sugerencia, idea y pregunta.