Abigaél a nace y lanta na Aruba. For di chikito, e tabata tin un pasion pa hasi loke ta husto y crea oportunidadnan pa otro hende, siguiendo e mantra di ‘creating a better world’. Abigaél semper a traha duru, for di haciendo e auto di su famia limpi pa sostene su mes trahando den e industria di turismo. E dedicacion aki a sigui den su bida na grandi, na banda di traha, Abigaél a haci trabou voluntario den comunidad y a studia den anochi; e a logra su Diploma den e area di finansia spesificamente accounting basico na Eseñansa pa Empleo. Despues di esaki a sigui dilanti pa saca certificado den coaching di muchanan, hoben, y adulto den psicologia, self-empowerment, motivational speaking, y a bira un life coach y terapeuta. Ademas, e tin certificado den Legal Knowledge den ley Arubano y Hulandes, y ala vez Ley Laboral Arubano. Pronto tambe e lo haña su Diploma como Legal Specialist. Abigaél apasiona pa crea un ambiente mas sigur pa comunidad Arubano cu un nivel mas abou di criminalidad y unda ta trata tur hende na un manera husto.