Jennifer van der Biezen y Jessica Cordoba awe a bisa ‘si’ na otro awe dilanti e ambtenaar di Censo Aruba, formalisando e prome unon civil entre pareha di mesun sexo. Miembro di Parlamento y alabes un sostenedo grandi di e comunidad LGBTQ+, esta Miguel Mansur, a compaña e pareha durante e momento historico aki.
Awe mainta a tuma luga e continuacion di e proceso di screening dje ministernan. Den esaki, tres miembro di oposicion lo a entrega un carta protestando cu pa haci di esaki un reunion informativo enbes di un reunion publico. Sinembargo, tres parlamentario di MEP a para pa tene un ‘openbare bijeenkomst’. Lider di fraccion Accion 21, Miguel Mansur, a splica cu a yega ora pa desenmascara e circo cu a sosode awe.
Diabierna mainta CAft a alerta riba presupuesto 2021 y a duna di conoce cu Aruba no mester haya sosten di likides mas. Aki a referi riba e hecho cu Aruba no a logra corta e cantidad exigi den cuido di salud, esta 60 miyon florin. Aruba a logra corta 40 miyon si y pa esaki, Hulanda a para e fiansa.
Algun parlamentario pa prome biaha a experencia e ceremonia di e Aña Parlamentario nobo. A trata aki di entre otro lider di fraccion Accion 21, esta Miguel Mansur. El a conta cu locual a resalta cu e enfoke principal a keda riba e efectonan cu e pandemia tabatin riba economia. Esaki ta algo cu a keda principal pa tanto gobierno como parlamento.
Pa loke ta trata e funcionamento di parlamento, dialuna a cera e aña parlamentario 2020-2021 votando pa un presidente nobo di parlamento. Miguel Mansur di Accion 21 a reitera locual el a bisa siman pasa caba, esta cu ta pa prome biaha cu coalicion tin menos voto cu oposicion. Relaciona cu esaki, algun integrante di MEP a reacciona bisand’e pa e no lubida cu Accion 21 a perde algun integrante y sin nan, e partido no lo a yega un asiento.
Diahuebs den oranan di atardi a introduci e ministernan di gabinete Wever-Croes II. Un di e ministernan nombra, cu por cierto ta ocupa e cartera di entre otro husticia, ta Rocco Tjon. Tin cu subraya cu e nombracion aki a causa basta consternacion den comunidad, entre otro cerca e plataforma æTa BastaÆ cu ta lucha contra abuso sexual di menor, cu a tambe a boga pa screening di minister.
Pa loke ta trata formacion, acuerdo di gobernacion y e reparticion di cartera di e proximo gabinete, e lider di fraccion Accion 21, Miguel Mansur, a bisa cu ta un decision irresponsabel di parti di prome minister Evelyn Wever-Croes pa añadi un minister den un momento cu pais Aruba tin cu bay baha gasto di personal y corta algun caminda.
Na e ciere di e Consulta Interparlamentario di Reino (IPKO) diaranson atardi na Boneiro, parlamentario Miguel Mansur di partido Accion 21 a comparti cu 24ora un analisis breve di e encuentro. Tras numera avancenan den representacion consular, infrastructura economico y un ley caminda cada ciudadano Hulandes tin derecho pa habri un cuenta di banco na Hulanda cu e obhetivo di fomenta e-commerce den reino, e politico hoben a reflexiona tambe riba e areanan caminda tin espacio pa mehoracion.
Diahuebs parlamento a trata e cambionan na e ley di labamento di placa, financiamento di terorismo etc. Durante MinFEC su discurso el a declara cu si no pasa e cambionan den ley Aruba lo por perde acceso na sistema financiero y por haya sancionnan. ACCION 21 a haci investigacion riba su ponencianan y a resulta mes eroneo cu dia el a declara den Parlamento algun siman pasa cu Aruba no a wordo downgraded door di Standard & PoorÆs. Ta alarmante cu Ministro y aparentemente tampoco su conseheronan no ta haci e minimo estudio.
Na un forma sorpresivo y inespera, e politico Miguel Mansur, lider di partido Accion 21 a anuncia awe cu na su parecer, Ursell Arends y Geoffrey Wever di partido RAIZ ta mas MEP cu Evelyn Wever mes, cu ta lider di e partido mas grandi di Aruba. E opinion ey a hala masha atencion awe merdia durante e noticiero mas scucha y mira na Aruba, esta ENFOKE, presenta pa Nelson Andreade y Patrick Paskel via Bo Guia 88.9 FM y riba 24ora.com. E parlamentario tabata invitado den studio y a los e opinion ey di su dos coleganan den parlamento.
Mientras formacion ta drentando su di cuatro siman, lo ta bon pa reflexiona ariba resultado di eleccion 25 di juni 2021. MEP a saca 20,700 voto, AVP a saca 18,335 voto, e otro partidonan hunto a saca 19,575 voto. Si tur voto tabata conta igual, Aruba lo a inaugura un parlamento 7-7-2-2-1-1-1. E leynan electoral anticua y inhusto a otorga dos restzetel na MEP aunke nan tabata patras di RAIZ, MAS, PPA, RED y AVP den cantidad di voto pa e siguiente asiento.
Awe mainta parlamento ta tratando presupuesto 2021. Den cuadro di esaki, parlamentario di fraccion di Accion 21, Miguel Mansur a manda varios pregunta aden cu ta regarda e rapport di CAft æAnalyse overwerkkosten ArubaÆ û october 2019, indicando cu desde cu CAft a bira un realidad na 2015, a haci un investigacion riba e gastonan di personal na Aruba, consistiendo di personeelskosten y werkgeversbijdrage.
E incidente den Parlamento tabata algo sigur cu a yama atencion di hopi hende y vooral cerca e parlamentarionan envolvi.
Recientemente mr. Andin Bikker, minister di Husticia demisionario, a bin parlamento pidi conseho na parlamento, tocante algun training y lease/compra di algun material pa cierto departamentonan cu ta cay bou di dje.
Miguel Mansur, lider di partido Accion 21, ta cla pa huramenta diahuebs. E ta comenta di ta honra y gradicido cu a deposita confiansa den su persona y den e partido.
