LatestNews

Accion21 ta kere cu Hendrik Tevreden (MEP) ta mal informa riba e parti di COHO. E Rijkswet ta firma dia 13 di november 2020 p’e prome minister, kende ta lider di partido MEP. A haci esey a base di iniciativa conhunto di Gobierno di Aruba y Gobierno di Reino. Lesa mas…

Riba invitacion di e fraccion di Accion21, diaranson dokter Bonny Benesh a duna un lectura den parlamento. Dokter Benesh a papia di algun aspecto importante, di unda nos kier ta aki 30 aña como pais, tambe di social cohesion (unidad social), es decir pa cada Arubiano sinti nan mes representa y cu nan tin parti di e desaroyo di e nacion Arubiano. Obviamente tambe pa elimina desigualdad den tur forma, crea oportunidad igual pa tur hende. Loke a Sali dilanti ta cu un di e bareranan pa desaroyo economico, na nivel individual y di pais ta cu transporte y cuido...

Jorien Wuite representante di D66 den Tweede Kamer a bishita Aruba y tabatin reunion cu miembronan di Parlamento riba diferente tema. A trata diferente punto importante pa futuro di Reino Hulandes, segun Miguel Mansur (fraccion Accion21) a duna di conoce. Lesa mas…

E forma con ceramento a tuma luga no por wordo cataloga di ningun forma sino como un desastrer. Esaki ta e conclusion di e lider di Accion21 Miguel Mansur. Dump a cera su porta definitivamente dia 31 di december ultimo den oranan di merdia, pero loke a bini despues ta algo cu e minister encarga no a spera pero tur otro hende si. Lesa mas…

Desde cu fraccion 21 a drenta parlamento por a tuma nota di un movecion di vision y desaroyo nobo den politica. Parlamentario Miguel Mansur ta duna di conoce cu a mira mas cu 52 mocion y amienda di oposicion den e ultimo aña parlamentario y ni uno a keda aproba, esaki ta mustra cu ta hopi dividi den parlamento y segun Mansur parlamento ta un stempel parlament. Lesa mas…

E temporada di Pasco ta e momento pa reflecciona y ta den union di famia. Parlamentario Miguel Mansur ta desea henter pueblo di Aruba un bon pasco. Awo cu e pandemia ta tras di lomba nos mester keda positivo y pusha e economia pa nos tur na Aruba tin prosperidad. Lesa mas…

Den aña 2021 accion 21 a pone 4 meta su dilanti. Segun Lider di accion 21 Miguel Mansur e 4 metanan ta finansas publico mas responsabel, igualdad pa parehanan di mes un sexo, open goverment y modernacion di kiesverordering. Banda di esaki tambe tin algun otro situacionnan cu tambe tin lider di fraccion Accion 21 su atencion. Lesa mas…

“Mientras pueblo (asegurado) mester sufri recorte den remedi y servicio…mientras profesionalnan y industria medico mester sufri recorte den compensacion…AZV tin Christmas Party riba Renaissance Island cu un gasto di mas cu AFL. 40.000,-. Na premium bar so nan ta gastando $8.956,20 (AFL 16,000), mas charges: $6.200,-, cuminda: $6.106,50, Bar (no-alcoholico): $1.492,70, Premium bar: $8.956,2 pa yega na un total di $22.755,40 = AFL 40.504,60. Pueblo ta asina nan ta gasta boso placa”, asina Parlamentario Miguel Mansur a publica un rato pasa riba su pagina di Facebook. Obviamente e parlamentario ta disgusta pa e forma di maneha e organisacion y ta...

Diabierna 16 december 2022, fraccion Accion 21 hunto cu coleganan di fraccion MAS, Marisol Lopez-Tromp y Aquanette Gunn y colega di fraccion RAIZ, Misha Raymond, a entrega un inciativa di ley pa habri matrimonio pa parehanan di mesun sexo. E concepto di ley a ser entrega na Presidente di Parlamento y a sigui di biaha pa Raad van Advies. Lesa mas…

Contrario na Gobierno di nos isla ruman Corsou, cu si a dicidi cu lo bay Corte di Casacion contra di Ley di Matrimonio Homosexual, ainda Gabinete Wever-Croes no a tuma un decision. Diabierna Accion21, MAS y RAIZ a entrega e concepto di ley relaciona cu matrimonio di mesun sexo na Presidente di Parlamento. Miguel Mansur, lider di Fraccion di Accion21 a acerca tur 21 parlamentario y tur cinco fraccion den parlamento. Lesa mas…

Den e mundo di awendia, caminda cu tecnologia ta asina avansa, (casi) tur cos ta wordo comparti ariba rednan social. Matrimonio entre dos persona di mesun sexo ta keda un punto di discusion. Asina tambe Parlamentario di fraccion di AVP, mr. dr. Rycond do Nascimento, a duna su opinion riba e punto aki, cual reaccion tabata un desapunto pa lider di fraccion di Accion21 den Parlamento, ya cu el a bisa cu e lo ta voor casamento den pareha homosexual y p’esey Mansur a keda sorprendi p’e articulo di Santos do Nascimento tocante casamento di pareha homosexual. Lesa mas…

Riba 13 di december 2022 a tuma luga un encuentro den Parlamento di Aruba caminda Prome Minister mr. Evelyn Wever-Croes a duna un presentacion riba e investigacion cu e departamentonan di gobierno a haci na Aruba Huis. Na inicio di e reunion, oposicion a reclama riba e echo cu no a haci e reunion uno publico caminda cu e parlamentarionan tin poder y arma pa traha cu ne. Den un reunion publico nan por entrega mocion, haci pregunta, entrega amienda y mas. Lesa mas…