Durante tratamento di presupuesto supletorio 2022 dos cos increiblemente positivo a sali di boca di nos Prome Minister cu a duna nos fraccion hopi inspiracion pa futuro. Durante e reunion, prome minister a vocifera durante reunion cu, “un cos cu mi a siña ta keda leu di discriminacion.” Esey ta un punto cu nos ta 100% di acuerdo cu Prome Minister y lo apoya den tur sentido. Nos di Accion 21 no ta kere den ningun tipo di discriminacion y igualdad ta un di e pilarnan di nos partido. Nos ta carga speransa cu Prome Minister Wever-Croes lo sa di lidera su partido na un Aruba mas inclusivo sin discriminacion ora e ley di matrimonio pa parehanan di mesun sexo yega Parlamento. Nos ta conta riba su ponencia di kier ‘keda leu di discriminacion’ pa inspira su fraccion pa no sconde tras di prehuicio di un minoria ora ta vota riba crea un Aruba mas igual. Lesa mas…
